متابعة: رنيم رأفت الهوشي
أشعلت الفنانة مها أحمد مواقع التواصل الاجتماعي ووسائل الإعلام منذ يوم أمس الجمعة. وذلك بعد مهاجمتها للفنانين أحمد السقا وأميرة كرارة. بتصريحات ناريّة ضدّهما.
حيث كتبت مها أحمد في منشور مثير للجدل عبر حسابها في “إنستغرام”: “عوضي على الله، دي الجملة اللي دايما بقولها لما أتصدم في أشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل. واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا”.
وتابعت في نبرة غاضبة: “النجم الأولاني بيني وبينه عيش وملح وزمالة، رشحت في مسلسل بطولته وكان بيقنعني بدور. ولما وافقت بعتولي دور تاني معرفوش، دور متعملوش واحدة مبتدئة، المفروض أنّه عارف قيمتي الفنية وعارف إنّي إضافة له، اتهرّب مني وموقفش جنبي وباعني رغم إنّ الكل عارف إنى زي أخته.. ندل”.
ثم توجّهت في لوها ضد فنان آخر. وقالت: «التاني كان في بداياته يتمنى يسلم عليا ويقولي يا أستاذة. نزلت من نفسي وتعاملت معه ولكنه خذلني. وقلت عوضي عليك يارب”.
ثم تابعت: “تمر الأيام والاتنين يعملوا ويتجمعوا مع بعض في مسلسل واحد. ويمثّلوا وحش أوي. وطلعوا كمان مبيقروش اللي بيمثلوه. وربنا يركب عليهم بنوتة سنة أولى تمثيل وخبرة. ويتحول المسلسل والدعاية الدراما كاملة لصالحها وهما (مخدماتية للأستاذة)”.
من جهته النجم أحمد السقا التزم الصمت. بينما اكتفشى أمير كرارة بتعليق: “كل الوسط الفني كبار وصغيرين عارفين السقا وكرارة موقفهم إيه مع زمايلهم وأخواتهم الفنانين كبار وصغيرين وشكرا”.
كما ردت «فاطمة»، شقيقة النجم المصري أحمد السقا: “الكلام ده موجّه ليكي يا أستاذة بدل ما تفضلي تمسحي ردى كل شوية. أبهرتيني يا مها بأخلاقك العالية.. وبأنّك افتكرتي العيش والملح اللي كلتيه في البيت بتاع الفنان اللي مش عارفة تقولي اسمه بس عرفتي تقولي عليه (ندل). اللي هو أحمد السقا.. بس أنا بقولك قدام الناس قطع لسان أي حد يقول عليه كده، لأنه راجل أكرمك ووقف جنبك أنتي ومجدي بدل المرة ألف.. وأمير كرارة بردو راجل جدع ومحترم للي ما يعرفهوش في البوست بتاعك ده».
