متابعة أسماء غنم
سقط النجم المصري عمرو دياب، بشكل مفاجئ أثناء إحيائه حفلا غنائيا فى أحد الفنادق الكبرى بالقاهرة.
فيما علّق الإعلامي عمرو أديب خلال تقديمه برنامج “الحكاية” قائلاً: “عمرو دياب كان امبارح تريند، ومازال تريند، لأنه الهضبة اتزحلق. ”
وتابع:”امبارح الناس قاعدة تقول الحق عمرو دياب وقع وبتاع وكأن في حادثة، زحليقة بسيطة. وبالنسبة لواحد في صحة وقوة وجيم عمرو دياب متفرقش معاه حاجة، لو عمرو أديب اللي وقع كان جالي فيها شرخ في الجمجمة. إنما عشان ده عمرو دياب قام وقف وقالهم عادي عادي أنا عادي أهو”.
وأكمل: “الهضبة لما بيتزحلق الدنيا كلها بتقف وتقلق عليه وتشوف إيه الحكاية. عمرو من كتر لعب الرياضة والصحة اللي عنده الحاجات دي متفرقش معاه. دي ركبة الهضبة ركبه حديدية، ركبة غير عادية، والراجل كمل غنى عادي جدا بعد ما وقع، وألف سلامة يا هضبة، ومش عارف دي عين مين”.
يذكر أن فيديو سقوط الفنان عمرو دياب من على خشبة المسرح قد أشعل مواقع التواصل الإجتماعي مؤخراً.
