متابعة – رماح اسماعيل:

أثارت وفاة الشاب عبدالله العمري حزناً عميقاً لدى محبيه على مواقع التواصل الاجتماعي، فترك له صديقه الأقرب وسام قطب الشهير على السوشيال ميديا رسالة مؤثرة عبر فيها عن عدم قدرته على تخطي رحيله.

فكتب له: “طلعت تغير جو يا عبود و غيرتنا كلنا للابد ما كنت مستعد لهيك يوم”

مضيفاً: “عبود الكل بحكيلي شد حيلك و انا عم بحاول، شاد ظهري و رافع كتافي بس دموعي كاسريتني يا عبود..
عبود انا مش جاهز للحياة بدونك، ما عمري توقعت انه حيكون في حياة بدونك.. كنت لما اشتاقلك افوت عندك على الغرفة و العب معك و نضل نضحك لنتعب، هسا عم بشتاقلك و مش قادر افتح باب غرفتك”.

وتابع: “بحب اتخيل انك دعيت في ساعة استجابة انك تكون اكثر حدا مؤثر في الوطن العربي، و ربنا استجاب لك فهاي الطريقة. ما بتتخيل قديش الناس بتحبك، و بتدعيلك يا حبيبي يا عبود.

انا ممتن انه سمحتلي الحياة اني اكون صاحبك، و اتعلم منك، و اعيش احلى لحظات حياتي معك الله يرحمك اضعاف ما الناس ترحموا عليك، عمري ما حنساك، و ححكي لولادي عنك و قديش انا فخور فيك و في معرفتك يا حبيبي يا عبود، بحبك للابد، الله يلطف فيك و يغفرلك”.

يذكر أن العمري توفي بشكل مفاجئ إثر حادث سير مع رفاقه في جنوب إفريقيا.

https://www.facebook.com/100057333945044/posts/209535687634228/