متابعة-رنا يوسف
فاجأت الإعلامية لينا شاكر متابعيها علىى فيسبوك بنشر صور لها من أحدث جلسة تصوير خضعت لها وظهرت فيها بشكل صادم للجمهور وهي من دون شعر.
وأعلنت مقدمة برنامجي”اسهر معانا” و”افطر معانا” من خلال الصور عن إصابتها بمرض السرطان. وأنها خضعت لجلسات العلاج الكيماوي. مما أدى إلى تساقط شعرها وفقاً لمجلة لها.
وكشفت من خلال منشور لها عن تفاصيل الإصابة ورحلتها مع المرض قائلةً: “أنا عشت مع أمي الله يرحمها تجربة الكانسر بكل حذافيرها وتفاصيلها من يوم ما شخصت ليوم وفاتها كانوا ١١ سنة ونصف. كمية الألم اللي عشته معاها في التجربة دي مرعب وكانت دعوتي لربنا أنه يخفف عنها ويقدرني إني أسعدها. أكيد كنت بفكر مع نفسي ليه كل ده؟!”.
تجربة والدتها
وأضافت: “قبل وفاتها بيومين وإحنا في المستشفى لقيتني بكتب كلام وكأني بكتب نعيها. المهم إن في اللحظة دي شوفت حكمة ربنا بالنسبة ليا في كل اللي عدى وحمدته وشكرته لأني حسيت إن دي كانت أحلى حاجة أنا عملتها في حياتي. وكأن ربنا اداني وقت أحبها أكتر وأدلعها وأكون لها بنت كويسة وأكون جنبها في كل لحظة. زي ما كانت طول عمرها شيلانا عشان هي حقيقي كانت ملاك وأحن وأطيب ست في الدنيا”.
واختتمت لينا بالقول: “الدكتور اللي عملها الكشف أول مرة زعقلي وقالي دي بتموت أنتوا جهلة!!! بس هي ما ماتتش وقتها وعاشت الحمدلله والدكاترة بعد كده قالولي دي عملت record. وأنها كانت بالكتير تعيش خمس سنين وده ما حصلش وأتوفت بعدها بـ11 سنة ونصف. ربنا قادر على كل شيء مهما كان عندنا علم هو له وقت وقدرة أكيد مش عندنا إحنا كبشر بعدها بقيت بقول كتير أنا مش ماسكة في الدنيا ومستعدة أمشي في أي لحظة لأني ما بقتش فرحانة بحاجة خلاص. قوم يجي لصديقي الأنتيم كانسر. طبعا واحدة زيي عندها الخبرة الطويلة دي حقيقي اتصدمت أما عرفت بس زي ما واجهت كل لحظة مع أمي بقوة هو كمان واجه الفترة بتاعة العملية والكيماوي بقوة وربنا يديم عليه الشفا والصحة”.
ثم تحدثت خلال منشورها عن فكرة خطرت لها بأن تغير شكل شعرها لتستغرق فيها عاماً كاملاً وتكتشف بعدها إصابتها بالسرطان. واضطرارها لتلقّي العلاج الكيماوي وسقوط شعرها كاشفةً بذلك عن رحلتها الطويلة مع الألم.
