متابعة: رنيم رأفت الهوشي
قامت الإعلامية المصرية لميس الحديدي. بطمأنة الجمهور على الحالة الصحية لزوجها الإعلامي عمرو أديب. وذلك بعد تعرّضه لحادث مروري يوم الثلاثاء الماضي. وأرعب قلوب محبيه عليه بعد رؤيتهم لصور سيارته التي تحطّمت مقدمتها.
فقالت لميس الحديد عبر برنامجها “كلمة أخيرة”: “عاوزة أتكلم في موضوع مالوش علاقه بالشغل، عاوزة أطمن كل الناس اللي بتسأل على عمرو بعد الحادثة الصعبة اللي تعرض لها مساء الثلاثاء الماضي. إنه الحمد لله بخير بشكل عام. وربنا نجاه بأعجوبة الحقيقة لأنّ العربية اللي خبط فيها واللي وقفت فجأة. كانت محملة بأنابيب بوتاجاز فكان ممكن تنفجر في أي لحظة”.
وأضافت الحديدي: “الدكاترة طمنونا على حالته عموماً، لكن هو لسه بيعاني من آلام مبرحة من آثار الكدمات والرضوض. ونتوقع إنها تاخد بعص الوقت، وإن شاء الله يحاول يرجع لجمهوره قريباً بإذن الله. لكن هو محتاج يستريح شوية علشان يقدر يرجع تاني”.
وتابعت: “أنا طبعاً ماكنتش هقدر أنزل الشغل أو أكون معاكم إلا وأنا مطمئنة عليه إنّه بيتماثل للشفاء، وإنو حالته تسمح إني أسيبه بعض الوقت، لأنّ في مثل هذه الأحداث دوري كزوجة بيجي قبل دوري كإعلامية”.
