متابعة : رهف عمار
كشف الفنان أحمد فهمي انه عاش ظروف مادية صعبة في طفولته، لكن هذا لم يشكل بالنسبة لديه عقدة، وذكر أيضاً خلال مشاركته مع أحمد شعيب في برنامج “بصراحة مع” على شبكة قنوات MBC، قائلا: انه ولد في عائلة فقيرة، ولديه 5 إخوات بنات وأخين من والده.
وعن العقدة التي تحدث عنها أحمد فهمي هي عقدة الجزمة حيث ذكر أن مرتب والده كان متواضع، وكان يشتري له جزمة مرة واحدة كل سنة.
فقال فهمي : عقدتي الوحيدة دلوقتي في الجزم، أنا أكتر شخص في العالم بيحب يشتري جزم، وافتكر إنى كنت بحاول أجمع مصروفي وأنا صغير علشان أوفر جزمة تانية غير اللى الجزمة اللي أبويا بيجيبهالي.
وكشف فهمي عن نصيحة لا تنسى من والده قائلا: أبويا كان دايما يقولي اقعد اشتغل من قلبك لحد لما يبقي عندك 45 سنة واذا حصل لأي شيء إنك متقدرش تشتغل تكون مكون نفسك بشكل كويس وتقدر تعيش حياتك دون الحاجة لأحد لأن قوتك البدنية وصحتك هتقل بعد الـ45 سنة.
