عبّر الفنان وائل الفشني عن حزنه وبكى على الهواء، خلال لقاءه مع الإعلامية ريهام سعيد في برنامج صبايا. معبراً عن استيائه من غياب العدل في الوسط الفني.
وقالت الإعلامية ريهام سعيد للمطرب الشهير: “ماينفعش يبقى فيه حد يعمل أغنية مهرجانات ويحطها على اليوتيوب. فيجيب دخل كبير وأنت تروح ساقية الصاوي بس”. وهو ما علق عليه الفشني باكياً قائلاً أن هذه الأوضاع هي سبب خوفه خاصة في ظل غياب العدل.
وقال الفشني: “مفيش عدل نهائي، أنا بكيت بسبب الأوضاع دي” ليدخل بعدها في موجة من البكاء موضحاً أنه لا يحزن من نجاح شخص وأن الأمر متعلق بالأرزاق. إلا أنه يطمح إلى أن يتواجد العدل في الوسط”.
ورداً على تعليق الإعلامية ريهام سعيد على اختياره لمسلسل الاختيار. قال الفشني: “اختيارهم لي شرف كبير، ومنسي تحديداً أنا كتنت بحبه جداً وعلى طول بشوفه في الحم بس ما برضاش أقول لحد. فيه ناس كتير بتكتب في الجرايد بس أنا ده بيبقى جوايا، لكن أنا بشوفه كتير”.
وأضاف الفشني: “أنا يمكن أكون مقصر برضه، بس أنا معنديش الإمكانية إني أغير ده”. وعند حديث الإعلامية ريهام سعيد عن حمو بيكا وشاكوش قال الفشني: “مانا ببكي علشان كدة، أنا بحبهم بس مفيش عدل”.
وأشار الفشني إلى أنه يتعرض للحروب في الوسط الفني التي تحاول منعه للغناء. قائلاً: “أنا ممكن أبقى عايز أغني ألاقي حد عنده علاقات يقولي مش عايزك تغني، فخلاص بتخلص”. وفقاً لما جاء في موقع “ليالينا”.
وعن مشاركته في دويتو غنائي، تسائلت الإعلامية ريهام سعيد عن أسباب عدم مشاركته لأحد المطربين في دويتو غنائي بينهم الفنان أحمد سعد. وهو ما علق عليه الفشني قائلاً: “أحمد سعد حبيبي ومن الأصوات المهمة جدا، وأكيد أنا هحب أعمل حاجة زي دي معاه.. لسة مقابله من فترة في الاستوديو وهو عرض عليا الأمر، وأحمد سعد فنان محترم صوته عظيم”.
وكشف المطرب الشهير، وائل الفشني، عن أنه فكر في السفر خارج مصر لكنه أحس أن إرادة الله هي أن يبقى فيها. قائلاً: “قلت إن حبايبي في أوروبا كتير وممكن أرجع أشتغل بره.. طول حياتي ضرب ضرب مفيش شتيمة، موت وحادثة ودخلت في الوسط ومش قادر أستحمل. بس ربنا مش بينسى حد ومن جد وجد، وعارف إن ربنا هيعوضني كتير، كنت فاكر إني هوصل وهعمل نوع جديد. وكنت عاوز أغني لشغلي وعاوز أعمل حاجة لشغلي، لكن الحروب جامدة جدًا، في ناس واصلة أكتر مني وعندها علاقات وفلوس أكتر مني، هي كده”.
