خرجت الفنانة رحاب الجمل عن صمتها وهاجمت فنان يشاركها في أحد الأعمال قام بممارسة بعض الأعمال غير اللائقة داخل لوكيشن التصوير من خلال منشور على فيسبوك.
ونشرت رحاب: «الممثل السكران، لما تبقي سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. إنت بقي تعتبر إن ده حق مكتسب».
وأضافت: «وبعدها بحوالي شهرين تدخل حفلة وتشتم وتهين مغني شاب ويكبر للناس اللي تدخلت في الموضوع ويسامحك بردو تعتبره حق مكتسب
لكن تدخل بالأمس بروفة فيلم وأنت سكران وعايز كمان تلف حشيش ولما نعترض تشتم وتهين زمايلك وتغلط وتتلفظ بأقذر وأسفل الشتائم أمام الأغراب في مكان عام ويخرجوك من المكان بالأمن والجاردات.
وتابعت: «ديه ما تتسامحش عليها لازم تتعاقب وبالقانون لان ده قلة ادب وقلة مهنية والمرادي البلاغ للنيابة علشان ارفع الحرج عن أي زميل أو زميلة في طلب المشاركة في البلاغ أو الشهادة يكفي تفريغ الكاميرات انا هاربيك».
