تلقّت الفنانة أصالة دعم كبير من رواد مواقع التواصل الاجتماعي والنجوم، وذلك عقب أزمتها مع طليقها طارق العريان، لكن مالم تتوقّعه أصالة، هو تدخّل هالة العتّال، الزوجة الأولى للمخرج طارق العريان، بالمشكلة بين طليقها والنجمة أصالة، فهاجمتها وانهالت عليها بالتعليقات القاسية.
فكتبت هالة العتّال عبر حسابها الرسمي، في موقع التواصل الاجتماعي “فيسبوك”: “دي أول مرة ممكن أرد فيها، الصورة قاسية عليكِ، طيب أنا لما كنت بشوف ألف صورة، وابني مش موجود فيها، يا ترى إحساسي كان إيه؟ كان أكتر من قاسي كان مقهور. طيب لما كنتي بتكتبي العيلة. وابني مش موجود فيها، إحساسه هو كان إيه؟ أولادك عندهم أب. أيمن الذهبي حي يرزق، لكن ابني كان عنده أب واحد بس. وللأسف مش هقدر أقول تفاصيل. طيب لما كنا بنحاول نتكلم كان ردك إيه، يا ترى قاسي. ولا حنون زي ما أنتِ دلوقت”.
مواضيع ذات صلة: هيفاء وهبي تكشف حقيقة التعليق المسيء لطليق أصالة
وأضافت: “الجواز والحب والعشرة. في تفاصيل محدش يقدر يعرفها، طيب مفكرتيش في يوم من الأيام. إنّ ممكن الأب يشتري ابنه اللي من دمه، ويرفض الظلم، طيب مفكرتيش أنه في نفسية ولد، ممكن تتدمّر، طيب دلوقت أولادك زعلانين من الكسرة. طيب يتكلموا معاه ليه لحد دلوقت. أرجوكي كفاية في أولاد. وأنا من حقي أدافع عن ابني اللي نفسيته بقت مش حلوة، من كتر الحرب على أبوه. كفاية بعد الانفصال، اللي كنت بتمنى استمراره ليكم وربنا يشهد عليه”.
ثم تابعت زوجة العريان الأولى. وهي تدافع عن والد ابنها، بالقول: “بس ده نصيب، الأهم دلوقت الأولاد، كفاية تشهير في طارق. هو مش خاين. وأنت عارفة ده كويس جداً، والأهم من الراجل دلوقت الأولاد بس. بلاش نشوه الصورة، وهو حر، وأنتِ عشتي معاه ١٣سنة، وأنا عشت ١٠سنين، ومعملتش أي حاجة من دي عمري، لأن الأهم كان ابني مش أنا. أرجوكي كفاية من فضلك، لأن طارق أحسن أب في الدنيا مع أولاده. وأنتِ عارفة ده كويس”.
ثمّ توجّهت هالة العتال. برسالة امتنان لطليقها طارق العريان. وكتبت: “أنا بشكرك على وقوفك جانبي في حل مشكلتي، كنت ليه سند، وأمان، وده طبيعي، بعرفك وأنا عمري ١٨ سنة كنا صغيرين، وتجوزنا، وأحلى حاجة عمر حبيبي القمر اللي معك. اللي بشكرك عليه في حياتي”.
