وجّه النجم تامر حسني، رسالة لجماهير الأهلي والزمالك، وذلك قبل انطلاق مباراة نهائي القرن المرتقبة، بين الفريقين. في المباراة النهائية لبطولة دوري أبطال إفريقيا، نقلاً عن موقع “المشهد العربي”.
وقال: “رأيي الشخصي المُتواضع، مهما اتكلمنا كلنا في الروح الرياضية الجميلة. في كرة القدم مش هيكون كلامنا مؤثّر زي أصحاب الرياضة نفسها، يعني لو صداقتهم الطيبة تبان في العلن من خلال بوستات فيها سلام بين اللاعبين، هتخلّيهم ينقلوا الروح السلمية دي للناس ولكُل الجماهير”، بحسب ما نشر عبر حسابه الرسمي بموقع “فيسبوك”.
وتابع: “لو أثناء المباراة حد خبط حد. يعتذر له ويطمن عليه، الناس فوراً هتفرح بالروح دي. والروح دي هتنتقل للبيوت وللجماهير، ومش هيكون في أي نزاعات، ولو المباراة خلصت وكل لاعب جري حضن لاعب من الفريق التاني، فعلاً هيخلوا الناس في البيوت وكل مكان في نفس حالة السلم اللي هيصدروها”.
واختتم رسالته، بالقول: “مش منطقي برضو كل ماتش الناس تحس إنو فيه حرب هتحصل!! وبين مين!! أهم وأعرق الأندية المصريّة. اللي مشرفينا في كل الدنيا، يا رب كل الخير ليهم ولأولادنا وللجماهير العظيمة المخلصة”.
