أكد الفنان كريم عبد العزيز، خلال برنامج “السيرة” للإعلامية وفاء الكيلاني، المذاع على قناة DMC أن والدته كانت تضربه “بالشبشب” في صغره.
وأضاف عبد العزيز: “الشبشب ربى أجيال مش رباني أنا لوحدى، ووالدتي كانت دايماً تاخدني وهي بتشتري الشباشب، وكانت بتشتريه على حسب الوزن مش اللون أو الشكل عشان يعرف يعلم علينا كويس”.
كما قال: “في موقف أنضربت فيه كنت واقف في البكلونة وشوفت كلب غلبان ماشي ولونه أسود فنزلت أخدته وطلعت جرى بيه على البيت، ولما والدتي سألتني جيبته منين قلتلها ده كلب (جيرمان) أخدته من واحد صاحبي والده في الشرطة”.
في حين تابع كريم عبد العزيز: “كل ما الكلب يكبر ديله بيلف، ووالدتي تقولى مفيش يابنى كلب (جيرمان) ديله بيلف لغاية لما عضني وكسر التليفزيونات، ومشيناه بقى لأن كمان والدتي كانت بتخاف من الكلاب، وبعدين الكلب لو بقى صاحبى هي هاتضربنى إزاي”.
ويواصل النجم كريم عبد العزيز تصوير مسلسل “الاختيار 2” مع النجم أحمد مكي، حيث يواصل فريق العمل التصوير في الديكورات الرئيسية ويحاول مخرج العمل بيتر ميمي تكثيف عدد ساعات التصوير للانتهاء من معظم المشاهد التي بها أكشن.
