بعد انتشار شائعات عن تدهور صحة الفنانة القديرة عبلة كامل نتيجة معاناتها من مرض السرطان، توجّهت برسالة لجمهورها في مصر والوطن العربي على صحتها، وعاتبتهم أيضاُ برد قاسٍ على الإشاعات التي طالتها، وذلك بحسب موقع “صدى البلد”.
حيث بعثت الفنانة عبلة كامل رسالة لأحد الكتاب جاء فيها: “عيب، والله العظيم عيب، لو الناس مش هتتقي ربنا وتخاف منه في وقت زي ده هتّتقيه وتخاف منه إمتى؟ وإيه اللي هيستفيده إنسان من إنّه يقلق حياة الناس بكلام كذب، بيدّعي إنّه بينشره لأنّه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيّام، ولا باتابع السوشيال ميديا ولا بنشر عليها أي شيء من أي نوع ولا مهتمة بيه”.
وتابعت: “أتمنّى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدّعي إنّها بنتي مالوش أي علاقة ببناتي فاطمة وزينب، وكل اللي بيتنشر فيه كذب، وبشكر الناس الطيبين كلّهم على محبّتهم وتقديرهم، وأنا ممتنة ليهم وبحمد ربنا عليى ده”.
