كشفت الفنانة المصرية رانيا يوسف، خلال استضافتها في برنامج “مساء “dmc مع الإعلامية إيمان الحصري، المذاع على قناة “dmc” أنها تمزج بين الشخصية الطيبة والشخصية الجريئة وأن الحياة أعطتها الكثير من الدروس التي علمتها كيف تأخذ حقها والتحول في شخصيتها.
وأوضحت رانيا: “أنا شخصية طيبة وجريئة لأن الدنيا علمتني عشان أخد حقي لازم أطالب بحقي أنا تربية بنات راهبات ومكنتش كدة بس الدنيا وعشان تتعملي لازم تتغيري والتحول جه من حاجات كتير وراء بعض”.
وأضافت: “أنا وبناتي صحاب جدًا ومربياهم ومفهماهم أيه الصح وأيه الغلط ومينفعش يكذبوا عليا وطول الوقت مصحباهم، وبابا كان ضابط وراجل عسكري والكل فاكر أنه ضابط البيت فيه شدة بالعكس بيت فيه تفاهم وحب واتعملت صداقة بناتي من صداقة أبويا لأنه متفاهم وعقلاني وأقرب منى من ماما وأنا أمي مش سودانية زى اللي بيتقال أنا من طنطا وأمي صعبة أوى ومفيش حوار بيني وبينها”.
واستكملت رانيا حديثها، ” بدأت موديل واشتغلت مضيفة ٣ سنين وكنت أطلع رحلة أرجع أمثل أعمل إعلان كدة واللبس متعتي وبحب أسافر والمهنة بتاعتنا محتاجة شو، وبعد مسلسل الحاج متولي عرفت أنى ممثلة جيدة كويسة والنجم الراحل نور الشريف قالي أنتي ممثلة كويسة كملي واستمري ومسلسل أهل كايرو عديت فترة حلوة وكان خلاص عندي خبرة في التمثيل واشتغلت على نفسي وخدت كورسات تمثيل”.
https://www.facebook.com/dmctv/videos/771564333391281
