تحدث النجم حمادة هلال خلال لقائه في برنامج “واحد من الناس”. مع الإعلامي عمرو الليثي، المذاع على قناة الحياة، عن حياته الزوجية.
وقال حمادة: “أنا وزوجتي أسما متزوجين من 2009، وأنا شايف. إن الراجل تبقى كلمته بره البيت أحسن، وإن الجدعنة أنك تاكل كويس وبس. ولكن لو في حاجة شايفها غلط لازم تتكلم طبعا ولكن مش على الفاضي وخلاص، لأن أنا شايف أن الراجل. لازم تكون دماغها فاضية عشان شغله وكدة كدة الستات هيحشروه في أي حاجة”.
وتابع: “زوجتي طيبة وبنت ناس وكانت ممكن ترفض من البداية فكرة. أن والدتي تبقى عايشة معايا، وتقول زى أي بنت عاوزة أكون مستقلة لوحدي ولكن هي كانت أحن عليها منى”.
https://www.facebook.com/AlHayah1TV/videos/356620155457646
واستطرد هلال: “سر السعادة الزوجية أن تتقى ربنا وتحاول بقدر الإمكان تشترى دماغك. لأن مفيش بيت مفيهوش مشاكل ولازم لو حد شادد يكون في حد هادى ويشترى دماغه الراجل، وأوحش حاجة في الزواج. لو البيت دخل فيه طاقة سلبية وبقى مشاكل بين الرجل والست”.
وأضاف: “عمري ما كنت سي السيد في البيت بالعكس أنا مهمل جدا، وأنا ساعات بغسل حاجتي لنفسي. لو المساعدين في البيت مش موجودين وممكن أعمل حاجة في المطبخ ولكن ببهدل الدنيا”.
ولفت حمادة إلى أن ” الغلطة التي لا تنساها أي زوجة هي الخيانة أو تقليل من قيمتها قدام الناس ودي حاجة هتكسرها جدا وهتفضل شايل الموضوع ده جواها وهايجي وقت وينفجر البركان ده، وأنا للأسف نكدي أكتر منها لأن ممكن يكونوا بيفرجوني على حاجة حلوة وأنا تفكيري في أغنية أو حاجة معملتهاش”.
وعند سؤاله عن الموهبة لدى أبنائه قال: “يوسف ابنى بيحب الإخراج أوى ولكن شايفه ممثل ضعيف، أما بنتى راما صوتها حلو أوى وفى مرة كنت بسمع أغنية لماجدة الرومي حسيت أنى سمعت صوت راما، فبفكر أعملها أغنية ليها”.
والجدير بالذكر، طرح النجم حمادة هلال أغنيته الأخيرة بعنوان “طحن في طحن”، وذلك على قناته الرسمية على موقع الفيديوهات “اليوتيوب”، والأغنية من توزيع أوكا وألحان حسن سراج، وكلمات هشام عبد الحليم، ويقدمها بشكل جديد عن أعماله السابقة وتحمل العديد من المفاجآت.
