قال الفنان المصري مصطفى قمر، تعقيبا على سبب تسمية ابنه ” تيام ” : “أنا سميت تيام بالاسم ده، عشان كل الناس اللى تنده عليه تتلخبط فيه عشان يفضل يدعى عليا طول عمره، ولكن أنا من البداية كنت عاوز أسميه تميم أو متيم، وكان ليا صديق قالى على اسم واحد بتاع بيتزا شافه أسمه تيام فعجبنى وسميته بقى بالأسم ده”.
وخلال لقائه بصحبة نجله تيام في برنامج “معكم” عبر cbc أضاف قمر: الفرق بين جيلى وجيل ابنى تيام، أن ربنا أداهم مزايا كان نفسنا يحصلنا إحنا في جيلنا لأن أنا دخلت الفن بمجهود ذاتى.
وتابع: “كان نفسى أدرس وأتعلم شوية ولكن كان الموضوع عندى موهبة فقط وكنت بتعلم من الأساتذة حواليا، ولكن تيام من صغره أتولد في بيت فنى وبقى فاهم اللعبة من الأول”
وطرح النجم مصطفى قمر، مؤخرا أغانى ألبومه الجديد “لمن يهمه الأمر 2” الذى يضم 7 أغانى وهى “مسافر” و”عجوز فى المدينة” و”دقى عودك” و”حبك على جبينى” و”سوسنة” و”حنونة” و”هغنيلك”، عبر قناته الرسمية على يوتيوب، حسب ” اليوم السابع”.
