شنَّ الفنان المصري أحمد فلوكس، هجوماّ ضد عدد من الفنانيين، ومن بينهم نقيب المهن الموسيقية الفنان هاني شاكر، بعد نعيهم لليوتيوبر مصطفى حفناوي، الذي توفي الإثنين، فيما تقدَّم أشرف زكى نقيب المهن التمثيلية بإعتذار رسمي إلى شاكر، وذلك بعد التطاول والانتقاد الحاد الذى وجهه فلوكس بعد وفاة حفناوي.
وقال فلوكس في مقطع فيديو نشرع عبر حسابه بموقع (أنستغرام): “أنا شلت لايف بتاعي عشان أبويا علمني مغلطش في حد كبير، معرفش مصطفى ولكن متابعه من أسبوع، محدش زاره غير تامر حسني، بقاله 7 أيام بيناشد حد عشان يدخل مستشفى، محدش كتب عنه حتى في طبق اليوم”.
وأضاف، “دلوقتي كله الله يرحمه، بما فيهم الأستاذ الفاضل الكبير هاني شاكر، اللي قالك أنا معرفوش، بس قلبي وجعني، طب قلبك ما وجعكش وهو مش لاقي مستشفى تستقبله وهو عنده جلطة في مخه، اتقوا الله، كفاية متاجرة بالبني آدمين”.
وأكد قائلا، “اللي عرف القصة لما تامر حسني راح زاره، أستاذ هاني شاكر هو تامر حسني النقيب ولا أنت، شاب صغير والفنانين والفنانات كنتوا فين لما كان عايز يمثل، مخلتهوش يمثل ليه، ولا لما مات افتكرتوا”، وتابع: “مش إنتوا زعلانين عليه، أنا بطالب بكل اللي كتب الله يرحمه، يروح يبني جامع بأسمه، قال الفنان هاني شاكر بينعى، وقبليه ملحن مات عشان مكنش لاقي مستشفى يتعالج، بنتاجر بموت الناس، دلوقتي بتنعوه بعد ما مات، ماهو مات بتاخدوا لقطة على واحد ميت، ياريت (كورونا) كانت علمتكوا حاجة، طلعتوا منها جعانين أكتر”.
وتقدم نقيب المهن التمثيلية بإعتذار رسمي للمطرب الكبير شاكر، وذلك بعد التطاول والانتقاد الحاد الذى وجهه أحمد فلوكس لهاني شاكر بعد وفاة اليوتيوبر حفناوي، وخاطب أشرف زكى، هانى شاكر بأن يقبل اعتذار فلوكس؛ بعد رفض نقيب المهن الموسيقية اعتذار فلوكس الذي بث فيديو مباشر على صفحته على موقع (فيسبوك) يعتذر فيه للفنان هاني شاكر بعد انتقاد الجمهور الحاد له.
