كشف الفنان تامر حسني سبب حماسته للتعاون مع المخرجة سارة وفيق وإسناد مهمة إخراج فيلمه الجديد “مش أنا” رغم عدم وجود سابقة أعمال لها، مؤكداً أنه وثق فيها لأنها تحمل رؤية فنية مختلفة، وبعد انتهاء التصوير، تضاعفت ثقته في قدراتها.
تامر تلقى أولا رسالة مؤثرة من المخرجة سارة وفيق فور الانتهاء من تصوير الفيلم كافة وقالت فيها: “من ساعة ما خلصت تصوير الفيلم وأنا عاوزة أكتب حاجة لتامر حسني بس كل ماجى أكتب حاجة أحس إن الكلام مش هيوفيه حقه فى وقوفه جمبى وإيمانه بيا من أول الفرصة العظيمة اللى أدهالى مرورا بوقوفه فى ضهرى أثناء تصوير الفيلم ودعمه الدائم ليا ومساندته فى كل تفصيلة فى الشغل وخوفه عليا شكراً أخويا تامر حسني إنك ادتنى فرصه العمر وربنا يكتبلنا النجاح زى ماحلمنا تامر حسنى مصنع الطاقة الإيجابية”.
ورد تامر عبر خاصية الستوري بحسابه على إنستغرام قائلا: ”يا أستاذة سارة أنا اللي بشكرك على شغلك العظيم في الفيلم وأنا قدمتك بالفيلم دا ووثقت فيكي عشان رؤيتك المختلفة اللي حسيتها وشوفتها فيكي ولما اشتغلنا الفيلم حسيت إني واقف قصاد مخرجة بتخرج من 30 سنة من جمال وقوة رؤيتك أنا اللي فخور بيكي وبشغلك ربنا يكرمك يا سارة وكرمنا معاكي.. انتظروا بعون الله فيلم مش أنا إخراج الرائعة سارة وفيق”.
يذكر أن سارة وفيق بدات مهمة مونتاج الفيلم، ولكن لم يتحدد بعد الموعد النهائي لطرحه بدور العرض السينمائي، انتظاراً لرفع القيود المفروضة على قاعات السينما في مصر ضمن الإجراءات الاحترازية لمنع تفشي فيروس كورونا.
