أثيرت حالة من الجدل الكبير منذ ساعات على وسائل التواصل الاجتماعي، بسبب تصريحات الفنان يوسف الشريف حول الملامسة الجنسية في الأعمال الفنية، مما جعله يتصدر التريند بآلاف من التغريدات المختلفة عنه في الرأي والمتفقة أيضا.
ومن جانبه، سبق أكد يوسف، مساء الأمس، عبر حسابه الرسمي على موقع”تويتر” : “مش عارف إزاي كلمة “المشاهد الساخنة” اتحولت لـ”ملامسة النساء” عموماً لازم نفترض حسن النية، وطبعًا المشهد ده أصلاً ملوش أي علاقة بالكلام ده.. ده مشهد عادي جدًا وتخيل أن كل الدوشة دي بسبب تصريح من حساب مزور.. كذبوا الكذبة وصدقوها”.
رفض المشاهد الساخنة
ويأتي رد يوسف، بالتزامن مع تغريدة كتبها الإعلامي رامي رضوان عبر تويتر قال فيها: “عنونت بعض الصحف نقلاً عن لقائي مع النجم يوسف الشريف الذي أذيع أمس.. أنه قال “أضع بنودًا في عقود أعمالي لرفض ملامسة النساء”.. والحقيقة أن سياق الكلام كان عن رفضه للمشاهد الساخنة في أعماله، ووضح ما يعنيه في الحوار”.
وأوضح الشريف: “وقد اتخذت هذا المبدأ بعد فيلم “هى فوضى” وأتذكر أن أحد المخرجين الكبار قد عرض على فيلم وبعد قراءته، اعترضت على المشاهد الساخنة فى الفيلم، فجاء رد المخرج وأحد النقاد “ماتشتغلش الشغلانة دى”، وبالفعل فكرت فى الاعتزال ولكن كرم الله استطعت أن أقدم العديد من الأعمال بهذا المبدأ”.
مش إنت بس اللي محترم
ليواجه سيل من الانتقادات، كان أبرزها رأي خالد سرحان، الذي وجه حديثه ليوسف الشريف قائلا: “مش إنت بس اللي محترم”.
وأكد الفنان خالد سرحان على أزمة تصريح يوسف الشريف، معلقاً: “أعترض على تصريح الزميل المحترم حاجة زي دي خليها بينك وبين نفسك، لأن ممكن جدًا تسيئ لزملائك، وتتفهم بكذا معنى”.
وأضاف خالد سرحان، عبر حسابه على “فيسبوك”: “وممكن تبان أنه تصريح الهدف منه الإثارة.. إنت فنان أكبر من كده بكتير المفروض ميفوتكش الحاجات دي، وزملائك محترمين على فكرة مش إنت بس المحترم”.
شابوه ياعم
وفي السياق ذاته، علقت الفنانة أيتن عامر، أيضاً على أزمة تصريحات يوسف الشريف، قائلة: “بصراحة مش فاهمة الدوشة دى كلها ليه أنت حر ما لم تضر، شابوه يا عم”.
وتابعت أيتن، فى تغريدة عبر حسابها الرسمى على “تويتر”: “بصراحة متضايقتش خالص من إنترفيو يوسف الشريف، وبصراحة مش فاهمة الدوشة دى كلها ليه أنت حر ما لم تضر، بس كده، ومعتقدتش إنه ضر حد بمعتقداته أو قناعاته شابوه يا عّم”.
قلة أدب وكلام فاضي
ومن جانبه، قال الفنان محمد أنور، نجم مسرح مصر، معلقاً على أزمة تصريحات يوسف الشريف: “أيه كل الهري والكلام الفاضي وقله الأدب اللي حصلت عشان الراجل ده قال انه عنده مبدأ معين هو انه ضد المشاهد الساخنة أو الأحضان والبوس والكلام ده لأنه ببساطه بيخاف ربنا ومش عاوز يغضبه وهو شغال بالمبدأ بقاله اكتر من عشر سنين وناجح بيه وربنا كارمه من وسع كمان وانه هو مش ضد اللي بيعمل عكس كده ولا شايف نفسه اكتر احتراما من حد”.
ونقد أنور، قائلاً:”فجأه كل الناس شايفاه رجعي ومتخلف ومش فنان وناس قالوا ده إخوان وناس قالت طب روح حجب مراتك الأول وبعدين أتكلم وناس طلعتله مشاهد من أعمال قديمه هو بيحضن فيها وقالوا أيام ماكان بيحب التلامس وكميه قله أدب في موضوع الراجل طرحه بكل احترام وقال انه فيه ممثليين كتير زيه أصلاً مش بيحبوا يعملوا ده أو ندموا أصلاً على أعمال هما قدموها في البداية وبعدين شافوا انه ماينفعش انه يعمل كده تاني”.
وتابع محمد أنور: “علي فكره بقي هو صح والله العظيم وأنا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها، افتكر انك لما بتموت وانت سايب صدقه جاريه بتنفعك في قبرك وتزود حسناتك ..ممكن كمان تعمل عمل يعتبر ذنب جاري وبعد ماتموت يفضل يزود سيئاتك”
