كشفت الفنانه داليا البحيري، عن إصابة زوجها بفيروس “كورونا” المستجد، المُنتشر في مصر ومعظم دول العالم.
وقالت داليا، عبر حسابها على “فيس بوك”: “أنا هبدأ بألف حمد وشكر ليك يارب، لأن أنا عارفة ومتأكدة إن إحنا عملنا اللي علينا وزيادة، حافظنا وقعدنا في البيت وعقمنا وطهرنا وشجبنا اللي نزل انطلق واتفسح، وأنا والحمد لله راضية جدا بقضاء ربنا سبحانه وتعالى”.
وأضافت قائلة: “حسن جوزي وحبيبي طلع إيجابي كورونا ڤيروس، وربنا يشفييه ويعافيه يا رب، إحنا كلنا عملنا مسحات، أنا والأولاد واللي بيساعدونا في البيت عشان نطمن لأننا كنا مخالطين لحسن، وبإذن الله نعرف النتيجة بكرا بالليل، وربنا يجيب العواقب سليمة يا رب”.
وتابعت قائلة: “أنا بقول الكلام ده ليه؟ عشان أي حد لازم يعمل كده لازم يقول وبكل وضوح عشان الناس اللي كانت مخالطة ليهم يعرفوا ويطمنوا على نفسهم، لأن دي أمانة، والمرض مش حاجة الواحد يخجل منها، بشكر كل اللي اتكلم يطمن على حسن وعلينا، وآسفة إن احنا مش لاحقين نرد عشان متكركبين وبنشوف هنعمل إيه”.
وطالبت جمهورها بالدعاء لزوجها بالشفاء العاجل وأن يكونوا جميعهم بخير.
