كسر الفنان المصري أحمد السعدني حاجز الصمت، بعد تعرضه لصدمة وفاة طليقته وأم أطفاله خلال الفترة الماضية.
ونشر عبر صفحته الشخصية بموقع التوصل الاجتماعي “فيس بوك” رسالة عتاب لمنتقدي رسالة كتبها في وقت سابق حول تجربة زواجه الفاشلة وصدمة فقدان أم أطفاله.
كتب السعدني: “طول عمري مبيفرقش معايا كلام الناس و كنت بلوم صحابي زي احمد فهمي مثلاً انه بيقعد يشتم الناس اللي بتشتمه و اقوله انت بتقرا ليه اصلاً كبر دماغك !!
عمري ما اهتميت اقرا التعليقات السلبيه او يمكن كنت محظوظ اني مكنتش بشوفها او يمكن مكنش حد بيغلط فيا !! “.
وتابع في نفس السياق: “الحقيقه معرفش الوضع كان ايه لكن بعد البوست الطويل اللي انا كتبته لصاحبة البوست حبيبتي و ام ولادي رحمة الله عليها و مكنتش مهتم ان حد يقراه و لا كنت عايز اعرف رأي حضراتكم فيه !!”.
وأكمل السعدني رسالته معاتباً: “لقيت صحابي قالولي ان في ناس شتمتني استغربت لإن اللي اتربينا عليه انه لا شماته في مواقف معينه، بس مهتمتش برضه لإن اللي فيا مكفيني اساساً، النهارده بالصدفه كنت داخل اكتب تعليق علي مدرب الاهلي الجديد بحاول اكسر حالة الجمود اللي انا فيها و الحمدلله فشلت فشل ذريع اني اكسرها و الفضل لناس المفروض انهم متابعين ليا المفروض برضه انهم بيحبوني يعني امال متابعني ليه عشان يشتموني ؟؟ كلام البعض و اللي اعتقد مخدش منهم ٥ ثواني كتابه لكن، الاكيد انه خد وجع قلب و روح و خد من دمي و اعصابي اللي اتحرقوا كتير”.
وختم يقول: “انا لا حشتم و لا حعمل بلوك لحد و لا حقفل التعليقات انا حرجع زي ما كنت اكتب و انزل صور لنفسي و لاي حد بيحبني و شخص محترم حتي لو اختلف معايا ومش عايز الهري ده ينسيني اشكر كل حد قريب مني وقف جنبي في شدتي و كل بعيد كان بيدعي للغاليه بالرحمه و لينا بالصبر، و الاهم اني اكتشفت و انا بكتب السطر ده اني كسرت حالة الجمود فعلاً الحمدلله و البوست اللي جاي حيكون عن المدرب بس شكل حظه اداله فرصه معايا اشوفه في الماتشات، الي لقاء مش قريب غالباً”.
