نشر الفنان رامز أمير أحد أبطال مسلسل الاختيار على حسابه الخاص بموقع التواصل الاجتماعي انستغرام صورة له من غرفة العمليات وكشف من خلالها عن خضوعه لعملية جراحية خطيرة بسبب إصابة تعرض لها أثناء قيامه بأحد التمارين الرياضية.
وكتب معلقاً: “بوييكا الغلابة اتنفخ يا رجالة، هتكلم معاكوا بجد شوية، فكرت كتير قبل مقولكم عشان مكنتش عاوز أزعل أي حد بيحبني، بس حسيت أن ممكن تجربتي دي تبقى مفيدة، تبقى دافع لشخص محبط أنه ميستسلمش لما يقع والدنيا تكسره، دي إصابة خطيرة حبيتين من تمرين الباركور كنت مخبيها عليكم”.
وأضاف رامز: ” وللأسف دي مش العملية الأولى بس إن شاء الله الأخيرة، بوقفة ربنا جنبي هوريكم إزاي ممكن تقع وتقوم تاني وتبقى أقوى من الأول، هكمل الطريق اللي وعدت نفسي بيه وهعملكم أكشن متعملش عندنا في السينما قبل كده، ربنا يقدرني بس وأعرف أشرفكم”.
كما تابع قائلاً: ” وعشان خاطري محدش يزعل ويقولي خاف على نفسك، أنا عارف خطورة اللي أنا بعمله من أول يوم وراضي الحمد لله عشان أنا بعمل الحاجة اللي بحبها، دعواتكم بقى عشان لسة شايلكم أكشن كتير في الصندوق”.
يذكر أن رامز أمير شارك في سباق دراما رمضان 2020 بمسلسل “الاختيار”، والذي قام ببطولته أمير كرارة وأحمد العوضي ودينا فؤاد وسارة عادل وضياء عبد الخالق وعدد كبير من ضيوف الشرف، وتناول حياة المقدم أحمد صابر المنسي – قائد الكتيبة 103 صاعقة – الذي استشهد في كمين “مربع البرث”، بمدينة رفح المصرية عام 2017، أثناء التصدي لهجوم إرهابي في سيناء.
https://www.instagram.com/p/CA3NFoWlxML/?igshid=10oao1k0b7fxf
