تحدثت الفنانة المصرية، رجاء الجداوي، يوم أمس، عن تفاصيل إصابتها بفيروس كورونا المستجد، في أول تعليق لها منذ إصابتها به.

وأشارت الجداوي، في تصريح لموقع ”المصراوي“، أنها تتلقى العلاج في مستشفى العزل بمحافظة الإسماعيلية، لافتة إلى أنها ”لن تخرج من المستشفى قبل المدة المقررة للعزل“.

وأوضحت الجداوي: ”أنا كنت باخد كل إجراءات الوقاية لكن لو اللي حوالينا مش واخدين إجراءات يبقى أكيد هيبقى فيه مشكلة، إحنا عاوزين نخاف أكتر على ولادنا وأهلنا، ولازم نخاف على بعض أكتر من كدة“.

وأكدت الجداوي أن دعم الناس لها ساعدها على تحمل المرض، حيث قالت: ”أنا بشكر الناس كلها، ويمكن دعم الناس هو اللي مخليني أتحمل اللي أنا فيه، ربنا يكرمهم وماسمعش عن حد منهم أي سوء“.

وحرصت الجداوي على تقديم نصيحة تقضي بضرورة الالتزام بالإجراءات الاحترازية في التعامل مع فيروس ”كورونا“، واصفة المرض بـ“الشبح“، الذي قد يصيب أي شخص، دون أن يشعر به: ”ياريت ماحدش يستهون بالمرض ده، لأن إحنا بنتعامل مع شبح مش عارفينه، ومش عارفين إحنا ممكن ناخده من مين، يجوز اللي جنبك حامل للميكروب ومش باين عليه أي أعراض، ياريت الناس كلها تتخذ إجراءات الوقاية، وربنا يعدي الأزمة دي على خير“.

يذكر أن الجداوي قد نقلت إلى مستشفى العزل، يوم الأحد المنصرم، بعد ثبوت إصابتها بفيروس كورونا.

https://www.youtube.com/watch?v=OXlKvnLuyy8&feature=youtu.be