واجهت الفنانة اللبنانية، قمر، ونجلها تهديدات بالقتل حال عودتهما من دبي إلى لبنان، مؤكدةً أن زوجها السابق المنتج المصري، جمال مروان، هو من يقوم بتمويل الجهات التي تهددها بالقتل.
وقامت قمر، بنشر جزءً من حديث السيدة التي هددتها عبر حسابها بموقع “إنستغرام” والتي تقول فيها: “ننتظرك في لبنان، هالمرة هتكون أخرتك، عم تلعبي مع أسيادك ياللي صنعوكي وعملوكي، نحرقلك وجهك قدام عيون ابنك، ودعي زباينك ودبي، حتكون أخر مرة بتشوفيهن بها، قرب وقتك، ناطرينك”.
ومن جانبها ردت قمر عليها قائلةً: “نحنا في شهر فضيل وأيام فضيلة، وهول الناس المجرمين المأجورين المهووسين مش مصليين عالنبي.. وحياتهم كلها واقفة بس ع قمر وكيف بدنا نقتل وندمر قمر وابنها.. أنا ما بعمري سألت عن شيء اسمه خوف، لأني أؤمن أن من أعطاني الروح هوي واحدو يلي بياخدها فقط لا غير.. وين ماكنتو بأمريكا، سوريا، كندا، بيروت”.
وأضافت الفنانة اللبنانية: “ما تفتكروا إنو عايشين بغابة نحنا أو تستغلو الوضع يلي العالم مارق فيه سواء كان وضع الكورونا أو وضع المشاكل في لبنان، كونو أكيدين مش رح قصر مع أكبر واحد فيكن وهل قصة يلي ما كانت تخلص ولا كنتو تحلو عن حياتي ولا كورونا ولا رمضان ولا إنو العالم كله منهار ولا عم تشوفو إنه الناس عم تموت من مرض كورونا ويلي عم يموت من الجوع.. كل يلي عم يسير ما خلاكم تحلو عني”.
وكشفت قمر عن تلقيّها تهديدات بالقتل منذ 7 أشهر من أشخاص بعينهم من كندا، وسوريا، وشخص آخر في لبنان، متابعةً: “والله يا ناس شي كتير يلي عم يصير معي عم راعي الظروف يلي عم نعيشها وعم قول مش وقتها.. بس خلص بقى صار لي 7 شهور عم عيش هل شي.. إن كان بي لايفات وشتايم من المأجور يلي بي كندا والمهووسة المريضة نفسياً يلي بسوريا..والتاني الهووس يلي بالبنان وجمال مروان الداعم للمأجورين بالمال ما عاد عندهم لا شغلة ولا عاملة غير قمر وابن قمر”.
يُذكر أن الفنانة اللبنانية قمر كانت قد تزوجت من رجل الأعمال المصري، جمال مروان، ولجأت إلى القضاء المصري في 2010، وأقامت دعوى “إثبات نسب” لابنها ضد مروان، صاحب قنوات “ميلودي” حينها، مدعمة بورقة زواجهما، وطالبته بإجراء تحليل DNA، إلا أنه رفض إجراء التحليل، زاعمًا أنه لم يتزوجها.
