ردّت الفنانة باميلا الكيك على منتقدي كلامها وطريقتها في التفكير وذلك بعد ظهورها في مقطع فيديو عبرت من خلاله عن انزعاجها من الاشخاص الذين يسألونها “كيفك” بطريقة وصفها العديد بأنها غير ملائمة.
وظهرت باميلا من داخل السيارة ووجهت كلامها بشكل مباشر إلى منتقديها والمتنمرين عليها وقالت “إلى كل اللي قالقهن إذا اللي بحكي أنا خزعبلات أو سكوبات أو بدي إحكي شي هيك خالف تعرف، هلق إذا إنتم مش كتير بتقروا فلسفة وبتثقفوا شوية، اللي عم ينتقد اكيد لان في شريحة كتير كبيرة من اللي عم يفهموا وخاصة الصغار اللي عم يقلدوا كتير مهضومين وأنا مع انه تبرم الفكرة حتى لو ما انفهمت، بس المهم يكون اللي عم قولوا حقيقي لإنه اللي بيفهم فلسفة وبيقرا بين السطور، وبيفهم بمدرسة الحياة مش بمدرسة التنمر بيفهم انو انا اللي عم قولوا ما في غيروا مش انو صح او في أصح هيدا هو”.
وأضافت بسخرية: “اللي شوية عنده حشرية يعرف اذا لبعملوا كرمال الشهرة بقلن أنا ما بحب الشهرة، لانه اذا بحب الشهرة كنت بعملكن قصص بزهقكن مني بطريقة بتقولوا ما بقى بدنا نشوف باميلا الكيك، بس انه اذا بتقروا كتب، يعني في وقت لكل شي للتسلية وكمان للصلاة وللصوم”.
تفاعل المتابعون بشكل واسع مع ردّ باميلا، وانقسمت التعليقات بين من شجعها على تجاهل الكارهين والمنتقدين، وبين من عاد وانتقدها، متسائلين عن أسماء هذه الكتب وطالبوها بالتوقف عن نشر فلسفتها الخاصة على انها فلسفة وثقافة عامة.
