فتح الشاعر المصري أيمن بهجت قمر، النار على الفنانة إيناس عز الدين، بعدما أكّد مسؤول في مستشفى حميات إمبابة، عدم إصابتها بفيروس “كورونا” المستجد، الذي ادعت أنها أصيبت به بعد عودتها من المغرب.
وقال الشاعر الغنائي عبر صفحته على موقع التواصل الاجتماعي “فيسبوك”: “أنا ماليش علاقة أن المطربة الجديدة إيناس صورت برص في المستشفى هي حرة، وده طبعا شئ محدش يقبله، أنا ماليش علاقة بآرائها السياسية أو اللي بتكتبه على صفحتها، ولكن أنا اللي أذاني نفسيا إنها عيشتني في خوف على أسرتي لأنها عندي على الصفحة هنا، وكم البوستات والفيديوهات الكتير اللي أقرت فيهم بإصابتها بالمرض وكم الدعاء ليها من الناس الطيبين، وكلمات المواساة، وهي ما أنكرتش ده وماقالتش أنه اشتباه، ولما المواقع كتبت أول فنانة تصاب بالكورونا مانفتش وأنا عيشت بجد ليلة صعبة لأني حسيت إن المرض ابتدأ يدخل دايرة المحيطين بيا”.
وأضاف: “تاني يوم الصبح ابتدى صحابها يكتبوا إن التحاليل أثبتت أنها مريضة بالكورونا، وشفتوا إزاي ظلمتوها وهي برضه ما انكرتش وقتها إن التحاليل لسه ما طلعتش.. لازم وقفة مع أي حد بيلعب بأعصابنا والله أعلم هي عملت كده ليه لو هتقوللي عندها أعراض أنا خدت نظرة سريعة على بعض فيديوهاتها ولقيتها ممكن تكون مزكمة عندها كحة لكن كم الفيديوهات اللي عملتها والبوستات الطويلة مش بتاعة حد عنده ضيق تنفس وصداع حاد لدرجة شكوكه ف الكورونا”.
واستكمل: “كان ممكن تطلع تقول أنا شاكه أبعتولي حد.. ننتقد إن الرقم مثلا ما بيردش.. أنا بحملك كل الأذى النفسي اللي سببتيهولنا والتوتر اللي عيشتينا فيه ولازم وقفة مع أي حد يطلع يستغل الظروف والتعب النفسي اللي احنا فيه ده.. وبأمانه اللي انتي عملتيه لا بينجح ولا بيشهر.. دي تصرفات بتاخد وقتها وبتتنسي كان أبرك تعملي أغنية أنا عندي كورونا، كانت هتبقى أشرف وهتفيدك أكتر .. إخص بجد”.
https://www.facebook.com/aymanamar1974/posts/10221198423968464
وكان نائب مدير مستشفى حميات إمبابة في العاصمة المصرية القاهرة، ماهر جارحي، قد أعلن أن نتيجة تحاليل الـpcr للفنانة إيناس عز الدين أثبت سلبيته من فيروس كورونا، وعليه خرجت من المستشفى وهي الآن في حالة جيدة.
