أصيبت الفنانة المصرية نشوى مصطفى، بقطع في الرباط الصليبى، عقب سقوطها على درجات سلم منزلها بسبب أمطار عاصفة “التنين” التي اجتاحت مصر.
ونشرت نشوى من خلال حسابها الخاص على موقع التواصل الاجتماعي “الفيسبوك”، تفاصيل الحادثة، فكتبت قائلة: “اتزحلقت على السلالم من المية وجالي رباط صليبى، الحمد لله والشكر لله على ما يقدره خير وشر، الخلاصة الإنسان ضعيف أوي، الله يشفي كل الناس يا رب اللي عندهم أى مرض، يا رب الحمد لله على النعم اللى مابنحسش بيها، يا رب الحمد لله على لطفك بينا”.
وأضافت: “مش عارفة إزاي حاقدر أقعد أسبوعين من غير حركة يا رب هون، أكتر حاجة مضيقانى أنى أول ما وقعت صرخت على ابنى وكان نايم قام مفزوع، ملامح وشه وفزعته وهو بيشيلنى من الأرض وجعت قلبى، اللي مستغرباله ليه لما وقعت وأنا في شدة الألم ماندهتش عماد وندهت عبدالرحمن، أظن عماد كان ممكن لو شافني من خضته يقع جنبى ومانلاقيش حد يشيلنا إحنا الاتنين، المهم خلو بالكم من نفسكم ويا رب مايصيبكمش ضرر أبدًا.. دعواتكم”.
نشوى خففت من روع متابعيها بمنشور آخر قالت فيه: “الف الف شكر لكل الطيبين اللي دعواتهم طبطبت على قلبى ونفسى اقدر ارد عليكم ياحبايبى واحد واحد اصدقائى وزملائى واساتذتى والله باشكركم من قلبى”.
وتابعت: “بس خايفة يكون اللي حصل لى بسبب انى ظلمت حد او اذيت حد من غير قصد فالو عملت كده ربنا يسامحنى وفيه صيغة للاستغفار بتعتبر رد اعتبار لاى حد ليه حق عندى استغفر الله العظيم لي ولوالدى ولاصحاب الحقوق عليّ، ربنا يغفر لنا جميعاً ذنوبنا اللي عارفينها وذنوبنا اللي مش واخدين بالنا منها”.
