متابعة بتول ضوا
دافع الممثل ومقدم البرامج اللبناني وسام حنا بشدة عن الفنانة اللبنانية ماجدة الرومي بعد تعرضها لحملة هجوم واسعة إثر تصريحاتها خلال حفلها في الإمارات.
ونشر حنا مقطع فيديو لماجدة تتحدث فيه، وعلق: “كنتِ ورح تبقي وجه لبنان الحلو من هلق لبكرا لبعيد. اسمك وصوتك وكلمتك هني الوطن التعبان، المجروح، هني لبنان القيامة لجاية. حملي وجع هالبلد وصلّي وغنّي ووصلي صوتك لآخر الدني، اوعى تخافي، اوعى تتراجعي. ما اشطرهم لما يجتزؤا كلامك”.
وكانت ماجدة قد تعرضت لهجوم بعد أن قالت خلال حفلها: “اشتقنا لـ أبو ظبي الحلوة اللي كلشي فيها بيضحكلنا وبيستقبلنا بالإعمار والخضار اللي بيمجد الله وبيكبر القلب، الله يديمها على هالأرض الطيبة بركة ونعمة، جايين من لبنان، مطرح ما عم نعيش أبشع كوابيسنا بسبب الإجرام المقترَف في حقنا من قبل من يلي اسمهم منّا وفينا وهم مش هيك، ما فينا إلا ما نتوقف أمام الإنجازات اللي عم نشوفها كيف ما مشينا في هذا البلد الحبيب، منشوف بعيونا كيف العظماء بيعملوا الجنة على الأرض”.
وتوجهت ماجدة للحضور بسؤال: “هل يوجد لبنانيون؟ بمسي عليكم، وبقولكم نحن في انتظاركم هذا الصيف، لا يزال بلدنا جميلاً ولا زلنا نحبه، ولا يزال جنة ورح يبقى.. مهما عملوا فينا ومهما أجرموا تأكدوا أنّ الكلمة الأخيرة لربنا ولبنان لديه رب”.
انقسمت الردود على تصريحات ماجدة بين مؤيد ومعارض. فاعتبر البعض كلامها تطبيعًا مع الإمارات وإهمالًا للأزمة في لبنان، بينما اعتبره آخرون تعبيرًا عن مشاعرها الحقيقية تجاه بلدها الأم.
