أصيبت الممثلة المصرية، فريدة سيف النصر، بتورم شديد في الوجه، بسبب مرض مجهول.
ونشرت الفنانة فريدة صورة لوجهها عبر صفحتها الخاصة على موقع التواصل الاجتماعي “فيسبوك، وقد بدا متورماً بشدة، وطلبت من جمهورها الدعاء لها بالشفاء العاجل، وأرفقت الصورة بالنص التالي: “ممكن تدعوا لى من قلبكم.. بجد أول مرة أبكى زى الأطفال.. أنا أصلًا بتحمل لكن مش قادرة.. ده مش ماكياج ده وشى بدون سابق إنذار صحيت بصوت نص الليل ودى رابع مرة يحصل لى حاجة غريبة فى وشى وأكون بشتغل.. يعنى مش وقته”.
وأضافت: “استغفر الله.. أحسن من غيرنا سامحنى والنبى اللهم لا اعتراض.. عاملة زى الكورة الكفر عينيا مقفولة وبوءى مدلدل حتى حواجبى وارمه.. يخرب بيت كده أنا اديتكم نص الوش علشان حقيقى مش أنا.. رعب والله تغيير سريع سبحان الله والحمد لله.. مش هزار.. تحت أسنان سليمة 4 خراريج إزاى مش عارفين.. عملنا بانوراما كاملة والدكتور مستنى الالتهاب يروح والورم بحقن الفنتيرن قوية وأوجمنتين.. وبعدين يقرر فى إيه؟”.
وتابعت: “هو نفسه بيسأل فى إيه؟.. هو أنا اللى هاعرف يا دكتور.. وطبعًا الفليكتور منيمنى على روحى لأن الألم الحمد لله ما يتحملوش إلا حد مستسلم لإرادة ربنا ويشكره.. المشكلة الشغل ومفيش وقت لا حول ولا قوة إلا بالله.. لازم يصوروا من غيرى وأنا وافقت هاعمل إيه!..؟؟”.
واختتمت حديثها بالقول: “قدر الله وما شاء فعل.. حاضر حبيبى يا ربنا كل اللى تجيبه راضيه والحمد لله هو ما بيجيبش حاجة وحشة أبدًا قضا أخف من قضا لو هافدى الغاليين كلهم أنا جاهزة.. ادعوا لى.. آسفة عالصورة بس أنتم حبايبى وهاتتحملوا ده أنا لسه منزله عالصفحة لايف بالنظارة الفراشة امبارح باين طلعت فراشه ملوثة.. الآذان سلام بقى”.
https://www.facebook.com/photo.php?fbid=10217480677192478&set=a.10201988773984580&type=3&theater
يذكر أن الفنانة فريدة، من مواليد عام 1959م، وشاركت في العديد من الأعمال التلفزيونية والسينمائية، ومن أهم أعمالها السينمائية: “مين فينا الحرامي، بديعة مصابني، أبناء الصمت، ديل السمكة”، وأبرز أعمالها التليفزونية هي: “بدون ذكر أسماء، شيخ العرب همام، عفاريت السيالة، الرحايا”.
