متابعة- بتول ضوا

خلال استضافتها في برنامج “الستات” شاركت الفنانة عفاف تجربتها بكونها زوجة ثانية، وخاصةً أنها عاشتها مرتين. مع زوجها الأول سامي العدل. وزوجها الثاني محمد السبكي. ونصحت جميع الفتيات المقبلات على الزواج بتكرار تجربتها. لكونها تجربة غير مريحة.

وقالت عفاف رشاد عن زواجها من سامي العدل: “في الأول كان في حب وكنت صغيرة، لكن أنا اتخدعت في سامي العدل، وكنت فاكرة إنه هيحبني”.

وأضافت: “أنا اخترت غلط لأن زوجي الأول كان متزوج، والثاني كان متزوج، والمفروض أتزوج حد فاضي، ودي غلطة كبيرة ألوم نفسي عليها، وفي المرتين كنت الزوجة الثانية”.

وأوضحت عفاف رشاد سبب ارتباطها بالفنان سامي العدل رغم ارتباطه بزوجته الأخرى قائلة: “هو قال إنه مختلف معاها. لكن لقيت في مشكلة في حقوقي، وطالما متجوز اتنين اعدل. ولو مش قادر كفاية واحدة”.

وحول انفصالها عن المنتج محمد السبكي، قالت: “هو عصبي وأنا عصبية، ويمكن هي دي نقطة الخلاف بينا، وانفصلنا علشان ابني ميشوفش المشاكل. ووصلت لمرحلة إني مش عايزة أشتغل معاهم، وأصور من الصبح لثاني يوم، والأدور مش مرضية”.

وتابعت: “محمد السبكي كانت قعدته كلها معايا ومهتم بي، وكنت كويسة مع مراته ومفيش مشاكل مع ولاده، لكن أنا اخترت غلط، لذلك بقالي 30 سنة من عمر ابني مفكرتش أتجوز، لإن ابني لما يبقى شاب ممكن يغير على أمه ويتخانق مع جوزي، وأنا عايزة أربي ابني”