رد الشاعر الغنائي محمد البوغة والذي كتب كلمات أغنية “كرهتني في الحب” للفنان تامر حسني، عن الأنباء التي تحدثت عن إهداء حسني هذه الأغنية لزوجته، أثناء الأزمة التي وقعت بينهما وكادت تؤدي للانفصال.
وقال محمد البوغة، عبر برنامج The Insider بالعربي : “أنتو بتتكلموا عن شخص أكبر منكده بكتير ، ولو فرض في حد بيعمل كده إحنا هنبقى سلاح قاعدين بنكتب مخصوص لحد عايز يخبط في حد، كل السيناريوهات واقعة، ربنا يباركلهم في بعض أنا بالنسبة لي اللي حصل ده مش شايفه”.
وردًا على أن تامر حسني تعمد اختلاق هذه الأزمة ليروج لألبومه الجديد، قال البوغة:
“في حد هيبقى بيحط بيته وأسرته وهو في حجم نجوميته والثقة المتبادلة بينه وبين الجمهور وشخص بيحترم نفسه قبل أي شيء هل هيعرض نفسه لده”
وكانت بسمة قد أعلنت انفصالها عن زوجها الفنان تامر حسني، وأنهما بصدد التحضير لأوراق الطلاق حاليا.
وكتبت بسمة عبر خاصية القصص القصيرة عبر حسابها على Instagram: لكل الناس اللي بتبعتلي صور وفيديوهات لتامر وشايفة إنه مش بيعمل احترام سواء في صور أو فيديوهات ياريت تبطلوا تبعتولي حاجة عشان مش فارقلي أي صور.
وكمان أحب أعرفكم إن إحنا بقالنا فترة منفصلين وبنحضر أوراق الطلاق، لو سمحتوا احترموا مشاعر كل حد فينا وبطلوا على الأقل تبعتولي أنا أي حاجة.. بالتوفيق للجميع.
لكن بسمة حذفت ذلك الكلام على الفور، مما أثار تساؤلات الجمهور حول سبب تراجعها عن الأمر.
فيما كتب تامر حسني عبر خاصية القصص القصيرة عبر حسابه على Instagram رسالة وجهها لزوجته، أكد فيها على حبه لها ولأولادهما ورغبته في حل أي خلاف أو سوء فهم حدث منه.
