أعلنت الإعلامية المصرية بسمة وهبة عن آخر تطورات حالتها الصحية بعد إجرائها عملية جراحية في لندن.
ونشرت بسمة عبر صفحتها على موقع التواصل الاجتماعى “فيسبوك” قائلة: “الحمد الله أنا خرجت من المستشفى. بس أنا مخنوقة مش قادرة أقعد فى لندن، وروحت للدكتور قولت ليه..عاوزنى أقعد، قالى أنى أي حد عامل عملية لازم يقعد جنب المستشفى”.
وتابعت بسمة: “نفسى أنزل عشان أروح لعبد العزيز وعبد الرحمن مش قادرة أقعد في لندن. بتخنق، أنا هنزل مصر، وبعدين أنا استخرت الله ربنا يسير الخير”.
فيما أضافت بسمة: “هواء مصر حاجة تانية مع أنى في مصر مش بخرج، وأنا قاعدة في البيت في اوضتى ومكتبى أحسن من أنى أخرج كل يوم هنا حتى، الجو هنا سيئ وكئيب، ولندن ما بقتش لندن المحلات قافلة والمولات مهجورة والناس مرعوبة، إحنا عندنا مصر أحلى وأحسن مش دلوقتى على كل الأحوال”.
وختمت بسمة قائلة: “أنا مش بحب استسلم للتعب وإحنا في شهر التعافى من السرطان ولازم نعمل توعية من مرض السرطان والكشف المبكر وكل المرضى يجيوا ويسألوا زى ما هما عاوزين وأكلمهم من ناحية التجربة، أنا كويسة وهبقى كويسة لو هعمل حاجة زى ده”.
