قام مطرب المهرجانات حسن شاكوش الذي اشتهر بأغنية “بنت الجيران” بتقديم الاعتذار للفنان محمد حماقي ونشر فيديو يعتذر فيه رسمياً له وللملحن محمد مدين، بسبب واقعة سرقة لحن أغنية محمد حماقي “حاجة مستخبية”، والتي لحنها له مدين عام 2012.
ونشر مطرب المهرجانات عمر كمال، عبر صفحته الرسمية على “فيسبوك”، مقطع فيديو ظهر فيه مع حسن شاكوش وهما يقدمان رسالة اعتذار للملحن.
وقال عمر كمال خلال الفيديو: “إحنا عايزين نشكر الملحن الكبير مدين ونتأسف له لو هو زعلان مننا، بس هو مش زعلان مننا أنا عارف، الفيديو ده رسالة اعتذار مني ومن أخويا حسن شاكوش لمدين، الأغنية عاملة 65 مليون بفضل ربنا ثم الناس ثم طبعا اللحن بتاعك اللي هو لحن حاجة مستخبية”
وتابع: “إحنا عملنا فكرة بنقلش أو بنهزر مع الناس حاجة خفيفة؛ الحمد لله ربنا كرمنا فيها ونجحت، وبعد كده كان لازم الحق يرجع لاصحابه اللحن ده يا جماعة لحن أغنية حاجة مستخبية لمدين ومحمد حماقي”.
وأضاف حسن شاكوش: “أنا بقول لك يا مدين الأغنية نجحت بلحنك، وإحنا طبعا لازم نديك حقك ودي أغنية حاجة مستخبية لأخونا وحبيبنا النجم محمد حماقي والفترة الجاية إن شاء الله هنطور من المهرجان وهتشوفوا حاجات حلوة، وأنت يا مدين اللي هتعمل لنا الحاجة دي وهناخد منك لحنها”.
وحصدت أغنية بنت الجيران نجاحاً واسعاً خاصة عبر منصات السوشيال ميديا، وبلغت مشاهداتها على يوتيوب الملايين.
