متابعة- بتول ضوا
عبر حسابه الرسمي على تويتر أعلن مدير أعمال الفنانة “شيرين عبد الوهاب” إيهاب صالح إنهاء تعاونه معها والاعتذار عن الاستمرار في إدارة أعمالها، مبرراً خطوته بالحرص على الصداقة التي تجمعه بها.
وغرد صالح على تويتر وقال: ” الحمد لله على نجاح الحفل في جده كما كان متوقعاً حبيت أعلن القرار بعد الحفل. وحابب أشكر كل الجمهور والمتابعين على الدعم الكبير خلال الفترة الماضية “.
وأضاف: ” قررت إني أبتعد عن إدارة أعمال الفنانة، وقررنا من الأفضل أن نجعل صداقتنا في المقام الأول، ولينا أسبابنا، مبروك يا شيرين من كل قلبي على النجاح العظيم وكلها أيام والألبوم هيكسر الدنيا، والحمد لله الدنيا دارت من أول وجديد، أنا هكون معاكي وفي ضهرك في أي وقت، ويارب أكون على قد وعدي وكلمتي “.
وتابع: “فرحان بشكل ملوش وصف بنجاحك، وعودتك بالقوة دي وده اللي اعتدنا عليه منك طول السنين دي، أنا كده كده دايما موجود زي ما أنتي عارفة، وربنا يديم كل اللى بينا على خير وآسف لو في أي لحظة كنت قصرت معاكي بأي شكل، أحب أشكر كمان جمهورك أكيد اللي مشوفتش منه غير كل خير وحب، شكرًا بجد من كل قلبي.
أختتم إيهاب صالح ” ربنا يحبب فيكي خلقه ويبعد عنك كل شر بكل أشكاله، بتمنى التوفيق والنجاح للمديرين الأعمال القادمين، مستعد أقدم كل ما بوسعي علشان تفضلي في القمة.
