متابعة- بتول ضوا
خلال حلولها ضيفة في برنامج «كلمة أخيرة». التي تقدمه الإعلامية لميس الحديدي. تحدثت الفنانة رحمة أحمد عن دورها في مسلسل «الكبير أوي».
حيث كشفت أحمد أنها بدأت تتنفس الصعداء بعد إصابتها بوعكة صحية بعد الانتهاء من تصوير المسلسل.
وأضافت «وقت المسلسل لما عملته مافكرتش، وركزت بس أعمل الشغل اللي عليا وأسيب الباقي على ربنا حتى فاجئني رد الفعل وكنت مرعوبة مش خايفة بس».
كما وكشفت تعرضها لنوبات بكاء أثناء تصوير المسلسل من شدة خوفها من عدم إتقان الدور، قائلة: «جات عليا فترات كنت بعيط كتير أوي من الرعب ورحت للمخرج المنفذ محمد خيري.
وقولتله أنا حاسة أني ممكن مقدرش أكمل المسلسل وكنت مضغوطة جداً، لأن ده وضع مهم، كانت خطوة جديدة ومهمة ولازم استغلها مظبوط».
وتابعت: «الناس دلوقتي عرفوني في الشارع، قبل كده أيام مسرحية أمين وشركاه كنت بعمل المسرحية وكان الناس مش بتاخد بالها وقتها تخيلت أن المسلسل هيكون كده برضه.
لكن ما حدث أني تفاجئت بالفعل بما حدث والناس عرفتني وكان أول حد قالي يا مربوحة في الشارع قالوا مربوحة أهي وطلعت أجري».
وواصلت: «فيه ممثل ممكن يتقبل الناس في الشارع بسبب الشهرة بشكل كبير وعادي وأنا مش ضد حب الناس. لكن أنا بيجيلي توتر كبير في حال وجود عدد كبير من الناس، بتوتر من الزحمة الكتيرة بيجيلي فوبيا أو لما يبقى فيه طلبات كتيرة».
