متابعة – شادي علوش
أعلن الفنان حسام داغر ، عن تعرضه لوعكة صحية شديدة، أثناء سفره إلى جورجيا.
وأصيب داغر بجرح كبير في قدمه مما أدى إلى دخوله العمليات على وجه السرعة.
وكتب حسام، عبر صفحته الشخصية على مواقع التواصل الاجتماعي :
مبحبش اتكلم كتير في حاجة تخص تعب عندي أو اشكي لحد و بحب دايما الناس تشوفني مبسوط زي ما بحب أشوفهم مبسوطين.
أنا جيت من السفر امبارح بس كنت مصاب بجرح كبير في رجلي و أنا في جورجيا و دخلت بسببه المستشفى.
وتابع : هناك عملوا جراحة سريعة وافتكرت الموضوع هيخلص على كده بالمتابعة.
ولكن بعد كام يوم لقيت الموضوع بيكبر ومخلصش ومضطر أعمل عملية انهاردة في مصر بعد ما رجعت وقالولي الحالة طارئة وللأسف العملية بنج كلي والمتابعة بعدها أهم لضمان نجاح العملية.
وطلب داغر من جمهوره الدعاء قائلا:
أنا بس حبيت أشارك لحظات ضعفي زي لحظات فرحي لأني إنسان طبيعي بشعر بالخوف و الضعف زي أي إنسان و بمر بفترات مختلفة بس علطول بقول الحمدلله على كل شيء.
