متابعة – لجين اسماعيل :
وجه الفنان أحمد السقا خلال حواره مع الإعلامية أسما إبراهيم في برنامج “حبر سري” رسالة للاعب نادي الزمالك “محمود عبدالرازق شيكابالا”.
وقال في رسالته: “عايز أقولك يا شيكابالا إن الناس كلها بتحبك سواء من جمهور الزمالك أو جمهور الأهلي. وإن الدوشة اللي حصلت حواليك الفترة اللي فاتت دي مجرد حاجات بتشتتك” .
وأضاف: “جمهور الأهلي مثقف وعلى أعلى درجات الوعي وأكيد بيحترموا لاعب زي محمود عبدالرازق شيكابالا. وجمهور الزمالك شيء مفروغ منه بيحبه زي ما جمهور الزمالك بيحب قفشة ومحمد شريف وفيه لاعيبة كده محدش يختلف عليها”.
كما وصف محمد مجدي قفشة لاعب النادي الأهلي بأنه “لعيب فلتة” ، مضيفًا” ما شاء الله الله أكبر ربنا يحميه”.
وأضاف:” عندنا لاعيبة كتير جدا كويسين وبدليل لو شوفنا التنقلات اللي في الأندية الفترة اللي فاتت. هتلاقي فيه لعيبة مكنش عينك عليها قوي بس عين الآخرين شايفنهم أكتر مننا ومصر مليانة لعيبة حريفة”.
كما أوضح أنه يشاهد مباريات النادي الأهلي، وأنه لعب في النادي الأهلي مع المدرب إبراهيم عبدالصمد الذي كان يدربه. وكان يلعب في الزمالك مع المدرب محمد صلاح والمدرب سمير محمد علي. وكان يلعب في نادي الصيد مع المدرب مصطفى أبوجبل والمدرب محمد عبدالكريم والكابتن عبدالعزيز عبدالشافي. مؤكدا أنه أصيب بالرباط الصليبي حينما كان عليه أن يأخذ القرار بين الاستمرار في الفن أو كرة القدم.
