متابعة – نغم حسن
توفيت البلوجر اشكيناز السبكي، المعروفة بـ “اشكيناز هانم السبكي” بعد خضوعها لعملية جراحية لإزالة ورم حول أحد الشرايين، يوم أمس الأربعاء.
وأثارت وفاتها ضجة وحزناً على مواقع التواصل الاجتماعي.
وقالت السبكي في منشور لها: “مش عارفه أجيبهالكوا إزاي بس أنا بتحضر دلوقتي عشان أعمل العملية اللي بهرب منها بقالي كتير.. عملولي مسحة كورونا”.
وأضافت اشكيناز السبكي: “الخلاصة.. أنا هبقى بين إيدين ربنا كمان شوية، ويا عالم ربنا كاتبلي ايه، بس هو الوحيد اللي عارف إني جاهزة للقائه الكريم، وحابه إنه يشملني برحمته، و زي ما بيتقال وما الدنيا بباقية لحي ولا حي على الدنيا بباقي، أنا ببرئ ذمتي من أي شيء وحش وبسألكم بالله إبراء ذمتكم ناحيتي، عشت معاكوا كتير على فيس بوك حبيتكوا قوي وحافظاكوا وعارفاكوا نااااافر نااااااافر، بتمنى لو حد زعلان مني يسامحني، وبتمنى منكم الصدقة والدعوة الطيبة زي قلوبكم، يشهد الله عالم النوايا إني بحبكم محبة خالصة لوجه الله لا غير وبتمنالكم دوام الصحة والسعادة والخير..، استروا ماشفتوا مني من سوء وأتمنى تفتكروني بالخير، استودعتكم الله العلي العظيم”.
وأعلن زوجها السوري الجنسية “هادي”، وفاتها عبر صفحتها في فيسبوك داخل المستشفى. وستشيع جنازتها صباح اليوم من مقر أسرتها بكفر محفوظ في الفيوم.
