متابعة _ لمى نصر:
أثارت آخر أخبار الفنانة المصرية ياسمين عبد العزيز، ضجة كبيرة على صفحات التواصل الاجتماعي. وذلك للاطمئنان على حالتها الصحية، بعد إجرائها عملية جراحية بأحد المستشفيات، وحجزها بغرفة العناية المركزة لحين استقرار حالتها الصحية.
ونشر شقيقها الفنان وائل عبدالعزيز، عبر حسابه على فيسبوك قائلاً: “صباح الخير، أنا كل اللي هقدر أقوله دلوقتي ادعو لياسمين حالتها خطرة”، حيث جاء ذلك رداً على الاتصالات التي تلقاها من أصدقائه وجمهور ياسمين عبدالعزيز للاستفسار عن حالتها الصحية.
وبحسب “الوطن”، تحاول أسرة ياسمين، أن تتكتم على تفاصيل أزمتها الصحية بناء على رغبتها لحرصها الشديد منذ دخولها مجال الفن على عدم إقحام الآخرين في تفاصيل حياتها الشخصية خاصة على السوشيال ميديا،
هذا وكان الفنان أحمد العوضي، قد كشف عن مرور زوجته الفنانة ياسمين عبد العزيز، بأزمة صحية حيث قال: “يمكن ببان قدامكم دايما قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا، أنا ضعيف جداً من غيرك إنتي لازم تبقي كويسة ولازم تقومي بالسلامة، أنا لأول مرة أكتب من غير ما أكون مفكر أنا بكتب إيه وهكتب إيه، بس إنتي هتقومي إن شاء الله بإذن الله عشان انتي وعداني وعد وهتتفذيه”.
وتابع العوضي: “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما إنتي بتشوفيني أنا دلوقتي ضعيف ضعيف جدًا لحد ما تقوميلي تاني، عشان زي ما انتي بتاخدي قوتك مني أنا كمان باخد قوتي منك”.
وبكلمات مؤثرة، اختتم العوضي رسالته لزوجته ياسمين عبد العزيز قائلاً: “قومي عشان أنا بحبك، بحبك أكتر بكتير من كل الكلام اللي أنا كتبته، أكتر بكتير من كل اللي عدينا بيه مع بعض من أيام حلوة ومواقف صعبة مرت علينا، أكتر بكتير حتي من الموقف اللي احنا فيه دلوقتي، أنا بحبك، ادعولها تقوم بالسلامة زي ما انتو دايما بتدعولها بالنجاح والتوفيق، هي دلوقتي محتاجة دعواتكم”.
