متابعة: نازك عيسى
أدلى زوج إسراء عماد بأقواله أمام النيابة فيما هو منسوب إليه بالشروع في قتل زوجته إسراء عماد .والتعدي عليها بالضرب مستخدمًا في ذلك سلاح أبيض سكين قاصدًا من ذلك قتلها.
ويقول الزوج: “بس هي كلمتني بأسلوب مش حلو، وقالتلي مش هتشوف ابنك تاني. وهو قالها يا بنتي اتكلمي بأسلوب حلو، فنزلت تحت وأنا نزلت معاها، وقلتلها هغير هدومي وأنزل، وساعتها خدت سكينة معايا علشان كنت خايف تكون جايبة حد ينتقم مني، ونزلت بعد كدة، اتكلمنا ولقيت أمي وأخويا نزلوا وأخدت مني مفتاح التاكسي، وطلعت هي وأخويا مصطفى، وهي اتضايقت علشان أمي أخدت المفتاح، وشافت السكينة في جيبي وراحت تاخدها وأنا مسكت منها السكينة فاتعورت في إيدي، وهي قالتلي أنا روحت عند صاحبك حسن طارق البيت. فأنا اتضايقت وقالتلي إنت شايف إيه بعد اللي أنا قولتهولك، قعدت أضرب فيها بالسكينة، ولما وقعت أخدتها في العربية للمستشفى.وأخويا مصطفى كان معايا، ونزل في نص الطريق علشان كان خايف، وسألوني دي حادثة، ولا إيه قلتلهم أنا اللي عملت كدة، فأخدوني من المستشفى على القسم”.
وتم القبض على الزوج في القضية التي أحدثت ضجة كبيرة على مواقع التواصل الاجتماعي . وسط تعاطف كبير مع الزوجة إسراء.
