متابعة:نازك عيسى
نفت الفنانة فريدة سيف النصر، في معرض ردها على منتقديها بعد دفاعها عن الفنان محمد رمضان. أن يكون هدفها دور في عمل من أعماله.
وبينت الفنانة سيف النصر أنها معجبة بمحمد رمضان وهو ما يدفعها للحديث عنه. موضحة ان الأخير يحب المغامرات لأقصى درجة.
و نشرت فريدة سيف النصر عبر حسابها على فيسبوك صور رمضان وهو يسند رأسه على تمساح كبير ويضع تمساحاً آخر صغيراً على رأسه، وكتبت: “الناس اللي بتزعل لما أتكلم عن رمضان.. أحب أقول أنا كمشاهدة وكفنانة عملت مع كل النجوم والمخرجين الكبار والمؤلفين إلا قلة بسيطة أني ماليش مصلحة لا كدور أو غيره لأن العمل اسمه “موسى” يعني بتاعه.. والحقيقة الفنان ده مغامر لأقصى درجة تخوف. بيحب شغله مابينامش.. يترمي في ماء مش نظيف بعز الثلج ولبس خفيف ماشي. روث بهايم ماشي. ينط من عالي لعالي أو أرضي ماشي. نار ماشي. تماسيح تعابين بهدلة لا دوبلير ولا دياولو معارك ماشي هاتشوف مفاجآت مع سلامة”.
وأضافت: “ومتواضع جدع مش متدلع ولا متفلسف وبيسمع بيحب ينجح فا بيتعب ويراقب ويعمل زي الناس وأحسن ويجود دماغه صاحيه حقيقي مابينامش. فا ربنا بيكافئه هي ببساطة كده بيخاطر لثقتة إن ربنا اللي عايزه هايكون فا ثقة بالله نجاح فعلاً.. بين قوسين بقى (مع مخرج بيحبه جداً ومخلص له ولعمله وحقيقي بيظهر له أصغر تفاصيل ويستغلها هو كمان مابينامش وياسلام لما الفنان يشتغل مع مخرج يحبه.. محمد سلامة برافو وناصر عبد الرحمن، ومبروك عليكم يارب بالتوفيق”.
