شارك مطرب المهرجانات المصري عمر كمال، جمهوره بصورة قبل الشهرة. ظهر فيها بشكل مختلف عما هو عليه حاليا، حيث ظهر بوزن زائد.
ونشر كمال الصورة عبر حسابه على “فيسبوك” وكتب معلقا: “كل ما أحط بوست وممكن الناس تشوف بعنيها. عشان محدش يقول ده بيحور وبيعمل بوست وتريند ألاقي ناس كتيرة حطالي صورتى اللي على اليمين في الكومنتات من باب السخرية.. حتى الصورة اللي منزلها لوالدتي وبعبر عن حبي ليها عشان عيد ميلادها منزلين الصورة من باب السخرية.. فعايز أرد عليهم وأقولهم والله الحمد لله على شكلي في جميع مراحل حياتي. ودي حاجة أنا مش بتكسف منها و ادينى نزلت الصورة اهو للناس ف بوست عشان تشوفها ومش مكسوف .. والصورة اللي على اليمين دي لإنسان كان معندوش رفاهية إنه يروح للدكتور يتابع معاه رچيم أو يروح للچيم أو حتى عنده وقت يفكر في شكله.. إنسان كان كل همه يشوف السرير بعد يومه الطويل عشان يصحى ليوم تاني أصعب.. مش مهم كنت إيه المهم بقيت إيه”؟
وتابع كمال: ” اشتغلت على نفسي وبكرم وفضل ربنا اشتغلت الحاجة اللي بحبها .. وركبت العربية اللي بحلم بيها.. وكونت نفسي.. وعملت وضع واسم لنفسي .. وربنا جعلني سبب في إنى شايل مسئولية ناس وفاتح بيوت ناس كتير من غير جنيه من بابي ومامي ولا مساعدة حد غير ربنا ثم دراعي.. أشك لو انت إنسان عندك حاجة مفيدة في حياتك تعملها. أو عندك هدف في حياتك إن يبقى عندك وقت تدور على صور حد وتسخر منه.. صدقني الحياة مفيهاش وقت تضيعه في الكلام ده شوف حاجة أفيد واعملها”.
آخر أعماله
وانتهى كمال مؤخرًا من تسجيل وتصوير كليب أغنيته الجديدة “غالي غالي”.
ونشر كمال عبر حسابه على “إنستجرام” صورة جمعته بالفنان نور الزين الذي يشاركه في الأغنية. وعلق كاتبا: “انتهينا من تسجيل وتصوير كليب أغنية (غالي غالي).. مبسوط إني أول مرة أغني باللهجة العراقية هتسمعوا حاجة حلوة مع النجم نور الزين”.
وكان كمال قد طرح في منتصف نوفمبر الجاري، أغنية “أنتي معلمة” مع حمو بيكا عبر قناته الرسمية بموقع YouTube. حيث صور الكليب على طريقة الشخصيات الكارتونية. دون الاستعانة بالراقصة لورديانا، استجابة لمطالب جمهوره بعدم إظهارها في الكليب.
