علقت الإعلامية المصرية ريهام سعيد على حكم الحبس الذي صدر، الخميس، ضد سما المصري بالسجن عامين بتهمة سبها وقذفها.
وشاركت ريهام، صورة للحكم عبر حسابها الشخصي على “إنستغرام”، معلقة : “سبحان الله السنة اللي فاتت زي النهارده استقبلت خبر وقفي من المجلس الأعلي للإعلام بصدمة لأني معملتش حاجة في حياتي أهم من مساعدة مرضى السمنة ونصيحتي كانت من خوفي عليهم لأن أنا مريضة سمنة.. ناس كتير اتخلت عني كانت بتعرفني فقط لشهرتي راحوا والأقنعة اترفعت واتصدمت في ناس كتير أوي ماشافوش مني غير كل خير ده غير الإهانة والسب”.
وأضافت الإعلامية المصرية: “ناس كتير أوي غلطت فيه وهما مش فاهمين حاجة، في نفس يوم وقفي من غير شماته ولكن بقناعة أن التوكل على ربنا فقط حتى لو ملكش حد كفاية بعد سنة النهارده يتفك الوقف، واللي عايرني إني مش بشتغل اتطرد شر طردة والمجلس الأعلى اتحل وسما أخدت حكم واللي كانوا بيعملوا فيديوهات ضدي حالتهم كرب واعتذروا في أقل من سنة رجع الحق عشان ربنا عادل وعظيم وكريم واللي عند ربنا مابيروحش. بشكرك يا رب”.
وتابعت سعيد: “بشكر المحامي شعبان سعيد اللي في ضهري طول الوقت بشكر زوجي بشكر أي حد كلمني أو سأل عليّ وأنا مش بشتغل ومذيعة ومكسرة الدنيا بشكر الناس الأصيلة الجدعة زي الفانز وزي حمدي بدر ومحمد رمضان وياسمين عبدالعزيز وبدريه طلبة ودينا ومي كساب وإيمان العاصي وأصالة وأحمد رزق وعلاء الشربيني وسعد الصغير”.
وختمت ريهام: “بشكر كل واحد عمل فولو البروفايل ده وأنا مش حاجة وولا حاجة مش بشتغل ومش عارفين هاشتغل تاني ولا لا. مبسوطة بالسنة اللي بعدها مفيش حواليه غير الناس اللي بتحبني بجد.. بشكرك يا رب.. وبشكر القضاء العادل والدولة المحترمة.. الحق بقي بيرجع في مصر في عهد رئيس محترم وقوي.. الحمدلله”.
https://www.instagram.com/p/CEZN_w6hjge/?igshid=byd8q2k5izou
كانت المحكمة الاقتصادية قضت، الخميس، بحبس سما المصري لمدة عامين وغرامة 100 ألف جنيه بتهمة سب وقذف الإعلامية ريهام سعيد.
