انتقد الممثل السوري باسم ياخور، الحكومة السورية على خلفية الأوضاع المأساوية التي يمر بها الشعب السوري في ظل تفشي فيروس “كوفيد-19” المعروف باسم كورونا المستجد.
وكتب الفنان السوري على صفحته الشخصية على موقع التواصل الاجتماعي “فيس بوك”: “والله مو حابب اتفلسف بس يعني مهرجان خيراتك ياشام الجماهيري ما بيتأجل بهيك ظرف؟؟ الناس عم تنصاب والمشافي ماقدرانة تستقبل حالات والبعض عم يتوفى يوميا وعلى ذمة الوزارة ستمية حالة فقط لهلق بعموم سوريا”.
وتابع باسم: “وبعرف ما عنا تيسترات لنحدد (بس الوضع واضح) بدون إحصاءات مع الاحترام للوزارة طيب اذا ما فينك تقول للناس البسوا كمامات لأنو الكمامة بألف ليرة والحكومة مو قدرانة توفرها ببلاش و شرائها لكتير ناس وعائلات صعب”.
وختم باسم ياخور، قائلاً: “أضعف الإيمان هالتجمعات اللي ما الها ضرورة شو حلها ؟؟ ليش لازم الناس كلها تتعدى ويدفع المسنين و المرضى بالذات تمن لهالفوضى العجيبة”.
