بعد أن أثارت الفتاة المصرية مها أسامة ضجة على مواقع التواصل الاجتماعي بسبب نشرها فيديو تعرض فيه نفسها للزواج، دافعت عنها الفنانة المصرية عبير صبري.
فعبر خاصية الستوري على حسابها الشخصي عبر إنستعرام نشرت عبير صبري: “أنا اتفاجئت زي ناس كتير بالفيديو بتاع البنت اللي عايزة تتجوز ناس كتير هاجمتها وقالت إنها عاوزه تكون ترند زي أصحاب التصرفات الغريبة من العري الفاضح أو التصرفات العجيبة أو غيره، لكن الحقيقة أنا تعاطفت معاها”.
وتابعت: “شفت إنها اتعاملت مع المجتمع بطريقته الجديدة وقررت تتكلم أو تشتكي على أكبر نطاق واللي عرفته إن مها أسامة بنت من عيلة محترمة وغنية وهي بتشتغل لكن منطوية وخجولة وصديقاتها المتزوجات مش بيعزموها بيخافوا لأنها مش مرتبطة”.
وختمت: “ومسألة إنها في بداية التلاتين بتؤرقها فلجأت للفيديو وطلبت إنها تتجوز بالحلال مطلعتش في فيديو فاضح مثلا ولا قالت عاوزة أصاحب هي عاوزة تتجوز وتتستر وتحب وتتحب أنا بدعمها يمكن الطريقة خضتنا لكن مفيش غلط عاوزة تتجوز تعيش حياتها صح وترضي ربنا ادعولها بلاش تهاجموها بلاش توصلوا كل الناس لليأس الكلمة الطيبة صدقة”.
يذكر أن الفتاة مها أسامة بعد نشرها الفيديو تعرضت لتعليقات سلبية، وهجوم البعض عليها لأن الأمر يعتبر غريباً على المجتمع المصري.
