متابعة: نازك عيسى
نشرت الفنانة هيفاء وهبي عبر خاصية القصص المصوّرة على حسابها في “إنستغرام” رسالة تهنئة للنجمة شيرين عبد الوهاب بعودتها إلى الساحة الغنائية، معبرة عن دعمها الكبير لها بمناسبة إصدار أغانيها الثلاث الجديدة: “هنحتفل”، “اللي يقابل حبيبي”، و”بتمنى أنساك”.
وقالت هيفاء في رسالتها: “ألف مبروك حبيبي اللي نور مكانه الصح والفراغ اللي محدّش يعرف يملاه. ألف مبروك حبيبتي شيرين”.
من جانبها، ردت شيرين عبد الوهاب على رسالة هيفاء وهبي معبرة عن امتنانها للدعم الذي قدمته لها خلال أزمتها الأخيرة، مؤكدة أن هيفاء وقفت بجانبها وساعدتها في مواقف عديدة، ما لم يفعله أقرب الناس إليها.
ونشرت شيرين على حسابها في “إنستغرام”: “هيفاء وهبي كانت أكثر واحدة تكلمت معي في أزمتي الأخيرة، وكانت تقول لي تعالي اقعدي معي”.
وأضافت: “أنا ردّيت على النجمة هيفاء وهبي مش عشان باركتلي على الأغاني، النجمة هيفاء وهبي عملت معايا مواقف جدعة أقرب الناس ليا ماعملتهاش علشان نفسيتي تبقى أحسن، كانت بتكلّمني يومياً عند الدكتور وكانت عاوزة تاخدني أقعد عندها وتخرّجني ومودي يبقى حلو وتدخّلني مكان يظبطولي الفيتامينات اللي في جسمي ويخسّسوني”.
واختتمت شيرين منشورها بالقول:”هيفاء أثبتت أن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللي شفتها فى الوسط الفني هيفاء بموقفها ده اشترتني طول عمري، وهفضل لحد ما أموت ممتنة ليها ولوقفتها معايا في الوقت ده… الوقت اللي كنت فيه وحيدة وتعبانة ومكتئبة وبعيّط وجت اطّمنت عليا وحسّستنى إني ليا أخت فعلً.ا.. شكراً يا هيفا يا حبيبتي، ويا ريت يا ريت في مصر لو في مشاكل أنا بناشد أي حد إن الست دي طيبة جداً جداً، ومتستاهلش إلا كل خير”.
