مخرج مصري يرد على منتقدي زواج معز مسعود وشيري عادل

 
أعرب المخرج مجدي الهواري، عن استيائه من الهجوم الذي يتعرض له الداعية معز مسعود والفنانة شيري عادل بعد إعلان زواجهما.
 
ونشر "مجدي"، صورة لهما عبر حسابه بموقع الصور الشهير "إنستغرام"، وعلق قائلاً: "يا جماعة ليه الهري في موضوع جواز معز مسعود وشيري عادل"، دول اتجوزوا على سنة الله ورسوله يعني مأذون وشهود ومهر وشبكة .. عيب بقى".
 
وتابع: "وبعدين إحنا ليه بنشوف نص الكوب.. مش يمكن قصة حب، ولا هو علشان بيقول قال الله وقال الرسول مش من حقه يحب.. ولا هي علشان ممثلة تبقى حرام تتجوز".
 
وواصل: "أنا شخصيا بتابعه وشايف انه راجل متوازن جدًا وغير مدعي زي غيره، وكل تصرفاته في النور ، كان ممكن يتجوزها في السر علي فكرة زي كتير منهم وعادي، كونهم أعلنوا في حد ذاته هو احترام لينا و للرأي العام .. انا بتكلم دفاعًا عنهم بنيابة عن اهلهم اللي مش حلو يقروا اللي بيتكتب عن ولادهم ده عيب .. فنقول مبروك للعروسين وبالتوفيق وحياة سعيدة ان شاء الله".